၁။ နိဒါန်း
ကျွန်တော်သည် အနောက်တိုင်းဆေးပညာဆရာဝန်တစ်ဦး
ဖြစ်သော်လည်း အကြောင်း အားလျော်စွာ လက်ဦးဆရာများ၏ လှုံ့ဆော်အလင်းပြမှုနှင့် မျိုးရိုးဗီဇအရ
မြန်မာ့တိုင်းရင်းဆေး ပညာများကို ဆရာဝန်ဖြစ်စကပင် ယနေ့အချိန်ထိ နှစ်ပေါင်း (၄၀)ကြာ
လေ့လာမှတ်သားသင်ယူ နေဆဲ ဖြစ်ပါသည်။ ၁၉၉၃ခုနှစ်
၊ ဒီဇင်ဘာလမှာ ပထမအကြိမ် ကျင်းပပြုလုပ်သော တိုင်းရင်းဆေး ပညာ လေးဘာသာစာမေးပွဲကို ဝင်ရောက်ဖြေဆိုရာ၊
ဒေသနာနယဘာသာ ဂုဏ်ထူးဖြင့် အောင်မြင်ခဲ့ ပါသည်။ စစ်ကိုင်းတိုင်း၊ ကချင်ပြည်နယ် နှင့်ရခိုင်ပြည်နယ်တို့မှာ
(၂၆)နှစ်ကြာ ကျန်းမာရေးဦးစီးဌာန ၏ တာဝန်များလှည့်လည်ထမ်းဆောင်ခဲ့ပြီး ပင်စင်မယူမှီ(၃)နှစ်အလို၊
တိုင်းရင်းဆေးတက္ကသိုလ် ခန္ဓာဗေဒဌာန၊ ကထိက၊ ဌာနမှုးအဖြစ် တာဝန်ထမ်းဆောင်ပြီး ပင်စင်ယူခဲ့ပါသည်။
တိုင်းရင်းဆေးတက္ကသိုလ်မှာ တာဝန်ထမ်းဆောင်နေစဉ်
ဝါသနာအရ မြန်မာ့ဆေးပညာ ဓါတ်စာကို အလေးထားလေ့လာ၍ ပုဂ္ဂလပညတ်ဓါတ်ပညာဆိုင်ရာ ဆောင်းပါးများ၊
စာတမ်းများ ရေးသား ဖတ်ကြားခဲ့ပါသည်။ ၂၀၁၉ခုနှစ်၊ ဒီဇင်ဘာလ (၁၂ - ၁၃) ရက်များက၊ နေပြည်တော်
အပြည်ပြည်ဆိုင်ရာ ကွန်ဗင်းရှင်းစင်တာ(၂)မှာ ကျင်းပပြုလုပ်သော အကြိမ်(၂၀)မြောက် မြန်မာ့
သမားတော်များ ညီလာခံမှာ နက္ခတ္တနယဘာသာရပ်တွင် အကြုံးဝင်၍ တိမ်မြုတ်နေသော_
(၁)
ပုဂ္ဂလပညတ်ဓါတ်ပညာ၊
(၂)
ဩဠာရိက သုခုမဓါတ်ပညာ၊
(၃)
အဠာမုခဓါတ်ပညာ၊
(၄)
အင်္ဂဝိဇ္ဇာပညာ၊
(၅)
ကောင်းကင်အမြင်နက္ခတ်ပညာ၊
(၆) မဟာဘုတ်နှင့်ဆန်းဗေဒင်ပညာများ
ပြန်လည်ဖော်ထုတ်ရန် လိုအပ်ပါကြောင်း - မြန်မာနိုင်ငံ ဗဟိုတိုင်းရင်းဆေးဆရာအသင်းမှ ကိုယ်စားပြု၍
ဖတ်ကြားတင်ပြခဲ့ပါသည်။
ထိုသို့
မြန်မာ့ဆေးပညာပြန်လည်ဖော်ထုတ်ထိန်းသိမ်းရေး လှုံ့ဆော်နိုင်ရန်၊ အထူးသဖြင့် ပုဂ္ဂလပညတ်ဓါတ်ပညာ
ပြန်လည်ဖော်ထုတ်နိုင်ရန် ဘဝခရီးတစ်လျှောက်လုံး နှစ်ပေါင်း(၄၀)မျှ လေ့လာခဲ့ရကြောင်း
“ဓါတ်ပညာခရီး နီးသည်တော့မဟုတ်ပါ” ဟူသော ဘဝဖြစ်စဉ် ဆောင်းပါးရှည် တစ်ခုကို
facebook လူမှုကွန်ယက်စာမျက်နှာမှာ စိတ်ဝင်စားသူများလေ့လာနိုင်စေရန်
(၂၈.၅.၂၀၁၉) နေ့စွဲဖြင့် အပိုင်း(၆)ပိုင်းခွဲ၍ တင်ပြခဲ့ပါသည်။ ထိုဆောင်းပါးတင်ပြီး
(၁၇)ရက်အကြာ ရန်ကုန်မှ အသည်းကင်ဆာလူနာ အမျိုးသမီးတစ်ဦးထံမှ ဆောင်းပါးမှာဖော်ပြသော ဓာတ်ပညာ
အယူအဆများဖြင့် လမ်းညွှန်ကုသပေးပါရန် ဖုန်းဖြင့်ဆက်သွယ်လာပါသည်။ ဤသည်မှစ၍ ဤဆောင်းပါး
ဇာတ်လမ်းစတင်ခဲ့ပါသည်။
၂။ မျှော်လင့်စရာ အားကိုးရှာ ၊
စိတ်ဓါတ်ခွန်အားပေးကြပါ။
သာယာဝတီနယ်မှ အသက်(၄၂)နှစ်အရွယ် လူနာတစ်ဦး၊
အစားပျက် တဖြည်းဖြည်း အားနည်း ပိန်လာတာ တစ်နှစ်ကျော်ခန့်ရှိ၍ ရန်ကုန်ခေါ်ပြီး ဆေးစစ်မှ
အသည်းအကြိတ်တွေထ၊ အသည်း ကင်ဆာ ဖြစ်နေကြောင်းသိရ၊ အသည်းအထူးကုဆရာဝန်ကြီးဖြင့် နှစ်ပတ်တစ်ခါသွေးစစ်၍
ဆေးများ စားနေရကြောင်း၊ လူနာမှာ တဖြည်းဖြည်း အားယုတ်၊ ဗိုက်လည်း တင်းတင်းလာ၊ အသိမိတ်ဆွေများ
ကလည်း အားပေးစကားဖြင့်ဖေးကူကြ ၊ ဉက္ကံမှ ကိုမြတ်ခိုင်က လွန်ခဲ့သော (၂) ပတ်ခန့်က ကျွန်ုပ်
ရေးတင်လိုက်သော ဆောင်းပါးကိုညွှန်း၍ ဓါတ်ပညာဖြင့်ပါ တွဲဖက်ကုရန် အကြံပေးသဖြင့် အားကိုးတစ်ကြီး
ဖုန်းဆက်လာပါသည်။
လူနာ၏ မွေးနေ့မှာ (၁၃၃၉)ခု၊ သီတင်းကျွတ်လဆန်း
(၇)ရက်၊ ဗုဒ္ဓဟူးသမီး၊ ရာဟုဖွား၊ (၁၃၈၁)ခု၊ နယုန်လဆန်း (၁၃)ရက် (၁၅.၆.၂၀၁၉)နေ့မှာ တွက်ကြည့်သည်။
လူနာ၏အသက် (၄၁)နှစ်၊ (၈)လ၊ (၆)ရက်ဖြစ်သည်။ ကျွန်ုပ်လေ့လာနေသော သာဝတ္ထိဆန်းဗေဒင်ပညာနည်းအရ
ကြာသပတေးဂြိုဟ်စား၍ စနေဂြိုဟ်မှာ သက်ရောက်နေသည်။ ဂြိုဟ်စားနှင့် သက်ရောက်တို့ (ဓမ္မာ)
ရန်ကျ၍ အိမ်တွင်းရေးပြဿနာ အခက်အခဲရှိမည်။ မကြာမီ မွေးလကျော်လျှင် ကြာသပတေးဂြိုဟ် သို့ပင်
သက်ရောက်တော့မည်။ ထိုအခါ မူလမဟာဘုတ်နှင့် ကောဇာမဟာဘုတ် နှစ်မျိုးစလုံး ကြာသပတေးဂြိုဟ်သည်
မရဏအိမ်မှာ တည်နေမည်။ ထိုမရဏအိမ်မှ ကြာသပတေးသည် လူနာ ရာဟုနှင့် (ရေဘူး)ဟူသော ဓာတ်ရန်
ကျန်းမာရေးမှာ အလူးအလဲ ခံရပေတော့မည်။
1339
၏ အဖွား မဟာဘုတ် ၁၃၈၁
၏ ကောဇာ မဟာဘုတ်
|
|
၆ |
|
|
|
၆ |
|
|
၁ |
၄ |
၀ |
|
၁ |
၄ |
၀ |
|
၅ |
၂ |
၃ |
|
၅ |
၂ |
၃ |
လူနာမှာ
(၁၃၃၉)ဖွား၊ အသက်အားဖြင့် (၄၂)၊ ဂြိုဟ်စားထွက်တော့ ကြာသပတေးဆန်းအလို အတ္တ၊ ပရ တိုင်ထူသော်
-
|
မူလဇေယျ |
မူလ |
|||
|
၁၃၃၉
ခု |
အတ္တ |
ပရ |
||
|
၁ |
၃ |
ဝကြေ၊ ဝေဦး၊ ဓာတ်မိတ်တု၊ ပဋိပက္ခမိတ်၊ သက်မဲ့၊ အပါဒါန
ကာရက။ |
||
|
၄ |
၂ |
၆ |
||
|
၀ |
၁ |
၅ |
||
|
|
|
၄ |
||
|
|
၆ |
၃ |
||
|
၂ |
၅ |
၂ |
||
|
၅ |
၄ |
၁ |
||
“နိစ်၊
ပြ၊ တိုင်ခြေ၊ မွေးနံနေ၊ ရောက်လေ ဂြိုဟ်သက်၊ မရဏာနှင့် ကိစ္ဆဘက်၊ အညံ့ဟူ၍ မှတ်ယူတွက်”
ဟူသော အဆိုအရ -
(၁)
မွေးနံ ဗုဒ္ဓဟူး(ရာဟု)တိုင်ခြေမှာရှိနေခြင်း
(၂)
ဂြိုဟ်စားသောဂြိုဟ်သည် မူလဇေယျ၏ ကိစ္ဆ ကြာသပတေးဂြိုဟ်မှာစားခြင်း
(၃)
ဓာတ်မိတ်တုဖြစ်ခြင်း
(၄)
အပါဒါန ကာရက ဂြိုဟ်ကပ်ခြင်းတို့ကြောင့် - ထို ကြာသပတေးဂြိုဟ်စားကာလ (၁၉)နှစ် အတွင်း
တစ်နှစ်နှစ်မှာ အညံ့အခိုက် မုချ ကြုံမည် ဖြစ်ပါသည်။ ထို (၁၉)နှစ် ကာလအတွင်း -
(၄
- ၅) ဆိုးကြိုးအရ လေဖြတ်၊ လေပြတ်၊ သတိလစ်မေ့မြောခြင်း၊ ရေဖျဉ်းများ ဖြစ်နိုင်သည်။
(၄
- ၁) တိုက်ရိုက်ကြိုးအရ လေအောင့်၊ ရေအောင်း (ဖျဉ်းရောဂါ)များ ဖြစ်နိုင်ပါသည်။
(၅
- ၂) တိုက်ရိုက်ကြိုး၊ နိစ်ပြကြိုးအရ ဗိုက်ခွဲ(ဗိုက်ဖောက်)ခံရတာမျိုး ဖြစ်နိုင်ပါသည်။
လူနာသည်
အသက်(၄၂)နှစ်ဖြစ်၍ ၄၂ ÷ ၈ = ၂ ကြွင်းဖြစ်၍
စနေသက်ရောက် ဖြစ်သည်။ ဂြိုဟ်စား ကြာသပတေးနှင့် (ဓမ္မာ)အတွင်းရန်ဖြစ်၍ အိမ်တွင်းရေးပြဿနာ
ရှိနိုင်ပါသည်။ (၁၃၈၁) ခုနှစ်၏ စနေသက်ရောက်တိုင်ထူသော်
|
မူလဇေယျ |
မူလ |
|||
|
၁၃၈၁
ခု |
အတ္တ |
ပရ |
||
|
၁ |
၁ |
၆ဆိုး၊ ရေဘူး၊ ဓာတ်ရန်၊ အညမညရန်၊ သက်မဲ့ (သမ္ပဒါနကာရက) |
||
|
၄ |
၀ |
၁ |
||
|
၀ |
၆ |
၀ |
||
|
|
|
၆ |
||
|
|
၄ |
၅ |
||
|
၂ |
၃ |
၄ |
||
|
၅ |
၂ |
၃ |
||
အသက်(၄၂)နှစ်ဖြစ်သော
လူနာ ဗုဒ္ဓဟူးသမီးသည်
(၁)
နာမည်၏ နံသည် မူလမှာ တိုင်ခြေနှင့် ပတ္တိမှာ မန္ဒနိစ်ဌာန အညံ့မှာရပ်တည်နေ၍ ကိုယ်တွင်း
ကျန်းမာရေးညံ့ခြင်း
(၂)
မူလ၏ မွေးနံ ဗုဒ္ဓဟူးကို ကောင်းသော ဇေယျကပ်၍ ပဝတ္တိ၏မွေးနံ ဗုဒ္ဓဟူးကို ဆိုးသော ကိစ္ဆဂြိုဟ်ကပ်၍
ကပ်ဂြိုဟ်ဆန့်ကျင်၊ ဓာတ်မိတ်နှင့် ဓာတ်ရန် ဆန့်ကျင်နေခြင်းတို့ကြောင့် ကျန်းမာရေးထိခိုက်၍
ငွေကုန်ကြေးကျများခြင်း
(၃)
သက်ရောက် ပဝတ္တိ၏ တိုင်ခြေမှာ (၂ - ၃) (၂ - ၃)တိုက်ရိုက်နှင့် ဆိုးကြိုး ကင်ဆာကြိုးမိနေခြင်း
(၄)
မန္ဒနိစ်လူနာ၏နံဂြိုဟ် ဗုဒ္ဓဟူးကို ကောဇာ၏ကိစ္ဆဂြိုဟ် ကြာသပတေးကပ်၍ (၄ - ၅) ရေဖျဉ်း၊
လေဖြတ်၊ လေပြတ် (သတိလစ်မေ့မြော) ဝေဒနာ ကြုံနိုင်ခြင်း
(၅)
မူလနှင့်ပဝတ္တိမှာ အပါဒါနနှင့် သမ္ပဒါနကာရက ကောင်းကျိုးများဆန့်ကျင်၍ ပြဿနာ ကြုံနိုင်ခြင်း
(၆)
မူလတိုင်၏တိုင်ခြေမှာ တိုက်ရိုက်ကြိုး၊ ဆိုးကြိုးအရ (၄ - ၁) (၄ - ၅) ရေအောင်း၊ လေအောင့်၊
လေဖြတ်၊ ရေဖျဉ်း၊ လေပြတ်၊ သတိလစ် မေ့မြောခြင်းများ ဖြစ်နိုင်ခြင်း
(၇)
သက်မဲ့ဖြစ်၍ အကျိုးပေးနှေးခြင်း၊ ရောဂါပြင်းထန်စွာ မဖြစ်သေးခြင်း - စသည်တို့ကြောင့်
အသည်းကင်ဆာရောဂါသည် တဖြည်းဖြည်း ရေဖျဉ်းဝင်လာပါသည်။
(၈)
(၅ - ၂) နိစ်ပြကြိုးအရ ဗိုက်ခွဲ၊ ဗိုက်ဖောက်ခံရမည့်ကိန်းလည်း ရှိသည်။ (ဇူလိုင်လခန့်တွင်
အသည်းကင်ဆာ ဆေးဖြန်းရန် ခေတ္တဆေးရုံတက်ရသေးရာ အကြိတ်များသည် သွေးကြော မလွတ်၍ ဆေးမဖြန်းရဟု
သိရသည်။
(၅
- ၂) နိစ်ပြကြိုးအရ ငွေကုန်ကြေးကျများ၍ စီးပွားပါ ခိုက်နိုင်ပါသည်။
အထက်ဖော်ပြပါ
ဂြိုဟ်စားသက်ရောက်တို့၏ အညံ့ကံကြမ္မာများကို ပြေပျောက်စေရန် -
(၁)
ပထမဦးစွာ လူနာသည် အင်္ဂဝိဇ္ဇာအလိုအရ ဗုဒ္ဓဟူးသမီးဖြစ်၍ ဗုဒ္ဓဟူးနေ့မနက် တနင်္လာသား
သံဃာတော်အား ပင့်၍ ဆွမ်းကပ်စေသည်။ လူနာကို ကြက်သွန်ဖြူဆေးရေ တိုက်၍ အုန္နဲသားကို ခြင်္သေ့ရုပ်
ထု၍ ဆောင်စေသည်။ အုန္နဲသား တောင်ဝှေး ဆောင်စေသည်။
(၂)
ပုဂ္ဂလပညတ်ဓာတ်ပညာအလိုအရ “ခြင်္သေ့ထီးဆောင်း”နဝင်းအရ မန်ကျည်းဖျော်ရည်သောက်၍ သနပ်ခါးနှင့်သီးခေါက်ကို
တစ်ချိန်တည်း လိမ်းစေသည်။
(၃)
သောမပန်းရနံ့များရှူစေပြီး သီးညွန့်(၂၁)ညွန့်ကို နင်း၍ ကံ့ကော်(၁၅)ညွန့်ကို ဘုရားကို
လှူစေ သည်။ (ဆောင်ပန်း၊ နင်းကြမ်း ယတြာ)
(၄)
နံနက်တိုင်း “သောဘဂဝါ ဣတိပိ ဝိဇ္ဇာစရဏသမ္ပန္နော”သုံးကြိမ်ရွတ်ဆို၊ မေတ္တာပို့၍ မျက်နှာသစ်
စေသည်။
(၅)
ပါပအစာများ သင့်သော်လည်း (အင်္ဂဝိဇ္ဇာနည်းအရ အုန်းနို့၊ အုန်းရည်၊ နွားနို့ စသည့် တနင်္ဂနွေနံ၊
စနေနံများကို ရှောင်စေသည်။
(၆)
မွေးနံ ဗုဒ္ဓဟူးညံ့နေ၍ ဗုဒ္ဓဟူးနေ့ညမှာ ထမိန်နှင့် အင်္ကျီဟောင်းကို ကိုယ်စားစွန့်စေသည်။
(၇)
လူဝံ၊ ဝက်ဝံကို ကန်စွန်းရွက် (၇)စီး အစာကျွေးစေသည်။
(၈)
တနင်္လာနေ့ ငါးအရှင် (၃)ကောင် ဘေးမဲ့လွှတ်စေသည်။ -
စသည့်
ဓာတ်စာ၊ ယတြာနည်းမျိုးစုံနှင့် အကြံပြု ပေးကုခဲ့ပါသည်။ အထူးကုဆရာဝန်ကြီး၏ အသည်းဆေးများကိုလည်း
စားစေပါသည်။ တစ်လနှစ်ကြိမ် Liver Function Test များ ပုံမှန် ပြုလုပ်၍ စစ်ရာ အနည်းငယ်
တိုးတက်ခဲ့သည်။ အသည်းကင်ဆာ ဆေးဖြန်းရန် ဆေးရုံ ခေတ္တ တက်စေသည်။ သွေးကြောနှင့် အကြိတ်များ
နီးနေ၍ ဆေးဖျန်းမဖြစ်သဖြင့် ပြန်ဆင်းခဲ့သည်။ ဤသည်မှာ ဂြိုဟ်စားတိုင်၏ နိစ်ပြ (၅ - ၂)ကိန်းအရ
ဗိုက်ခွဲ(ဗိုက်ဖောက်) ခွဲစိတ်ခံရခြင်း ဖြစ်ပါသည်။
ကျွန်ုပ်ထံသို့
လူနာစ၍ ဆက်သွယ်ချိန်မှာ အသက်(၄၂)နှစ်တွင် ရောက်နေပြီး နောက်(၅)လ ခန့်အကြာ မွေးလ သီတင်းကျွတ်ရောက်လျှင်
(၄၃)သို့ အသက်ဝင်မည် ဖြစ်ပါသည်။ (၁၃၈၁)ခုနှစ် အတွင်းမှာပင် အသက် (၄၂)နှစ်မှာ စနေဂြိုဟ်မှာ
သက်ရောက်၍ မွေးလကျော် (၄၃)ရောက်အောင် မူလမဟာဘုတ်နှင့် ကောဇာမဟာဘုတ်၏ မရဏဖြစ်သော ကြာသပတေးဂြိုဟ်သို့
ဂြိုဟ်စားရော၊ သက်ရောက်ပါ (၂)မျိုးစလုံးကျရောက်မည်ဖြစ်၍ (၄၃)နှစ်ပိုင်းသို့ဝင်လျှင်
ရောဂါပို၍ ဆိုးလာနိုင်သည့် ကံကြမ္မာကို ညွှန်ပြနေပါသည်။
၃။
လောကဓံ၏ ကံကြမ္မာ၊ ဂြိုဟ်ကိုကြည့်၍ လေ့လာပါ။
အသည်းကင်ဆာလူနာသည်
(၁၃၈၁)ခု၊ သီတင်းကျွတ်လဆန်း(၇)ရက် မွေးနေ့ကျော်သည်မှ စ၍ (၄၃)နှစ်ထဲသို့ ရောက်လာပြီဖြစ်၍
(၄၂)မှာ စနေပဝတ္တိတိုင်မှ (၄၃)နှစ်၏ ကြာသပတေး ပဝတ္တိ တိုင်သို့ ကူးပြောင်းသွားပြီး
(၁၃၈၂)ခုနှစ် မွေးနေ့အထိ ထိုကြာသပတေး ပဝတ္တိတိုင်၏ ကောင်းကျိုး၊ ဆိုးကျိုး ကံကြမ္မာများ
တွေ့ကြုံခံစားရမည်ဖြစ်ပါသည်။
ဖော်ပြခဲ့ပြီးသော
လူနာ၏ မူလဇေယျနှင့် ဂြိုဟ်စား ကြာသပတေးတိုင်ဂြိုဟ် တည်နေပုံ -
|
မူလဇေယျ |
မူလ |
|||
|
၁၃၃၉
ခု |
အတ္တ |
ပရ |
||
|
၁ |
၃ |
ဝကြေ၊ ဝေဦး၊ ဓာတ်မိတ်တု၊ ပဋိပက္ခမိတ်၊ သက်မဲ့၊ အပါဒါန
ကာရက။ |
||
|
၄ |
၂ |
၆ |
||
|
၀ |
၁ |
၅ |
||
|
|
|
၄ |
||
|
|
၆ |
၃ |
||
|
၂ |
၅ |
၂ |
||
|
၅ |
၄ |
၁ |
||
(၁၃၈၁)ခုနှစ်အတွင်း
မွေးဖွားနေ့မှ နှစ်ကူးအထိ ပဝတ္တိ အတ္တ၊ပရတိုင် အခြေအနေ
|
မူလဇေယျ |
မူလ |
|||
|
၁၃၈၁
ခု |
အတ္တ |
ပရ |
||
|
၁ |
၃ |
ဝကြေ၊ ဝေဦး၊ ဓာတ်မိတ်တု၊ ပဋိပက္ခမိတ်၊ သက်မဲ့၊ အပါဒါန
ကာရက။ |
||
|
၄ |
၂ |
၆ |
||
|
၀ |
၁ |
၅ |
||
|
|
|
၄ |
||
|
|
၆ |
၃ |
||
|
၂ |
၅ |
၂ |
||
|
၅ |
၄ |
၁ |
||
လူနာသည်
အသက် (၄၃)နှစ်ထဲဝင်ပါမှ ဂြိုဟ်စားသက်ရောက်၊ မူလနှင့်ပဝတ္တိ တစ်ထပ်တည်း ကျ၍ အသည်းကင်ဆာဝေဒနာသည်
ပို၍ ဆိုးလာတော့သည်။ “နိစ်ပြတိုင်ခြေ၊ မွေးနံနေ၊ ရောက်လေ ဂြိုဟ်သက်၊ မရဏာနှင့် ကိစ္ဆဘက်၊
အညံ့ဟူ၍ မှတ်ယူတွက်”ဟု မှတ်ချက်ပြုထားသည်။ တိုင်ခြေမှာ ရှိသော -
(၄
- ၁) ရေအောင်း၊ လေအောင့်၊ တိုက်ရိုက်ကြိုး
(၅
- ၂) ဗိုက်ခွဲ (ဗိုက်ဖောက်) တိုက်ရိုက်ကြိုး၊ နိစ်ပြကြိုး
(၄
- ၅) ရေဖျဉ်း၊ လေဖြတ်၊ လေပြတ် (သတိလစ်မေ့မြော) ဆိုးကြိုး၊ မွေးနံကို ဇေယျဂြိုဟ် ကပ်သော်လည်း
၎င်းဇေယျတနင်္ဂနွေသည် အပါဒါနကာရက ဖယ်ခွာ၊ ထွက်ခွာရမည့် ကာရကအဆိုး ဖြစ်၍ အောင်မြင်စွာ
ထွက်ခွာရမည့် ကံကြမ္မာကို ပြညွှန်းနေပါသည်။ ကံကြမ္မာကိန်းခန်းအလိုအရ အခြေအနေတွေ မကောင်းတော့ပါ။
လူနာ၏
ဂြိုဟ်စားသက်ရောက် ဂြိုဟ်တိုင်များမှာ ပုံစံတူ တစ်ထပ်တည်း ဖြစ်နေသည်။ အကောင်းတူတွေက
ဝမ်းသာစရာ၊ ယခုမူ အဆိုးအညံ့ ကံကြမ္မာများ တစ်ထပ်တည်း ဖြစ်နေ၍ မူလနှင့် ပဝတ္တိ၊ ဘယ်သူ့ဘယ်သူမှ
မကယ်နိုင်၊ ဝေဒနာမှာ ပို၍ပို၍သာ ဆိုးလာပါသည်။ အစာ လက်မခံ၊ ခဏခဏအန်သည်။ Hepatitis
Coma ဂယောင်ဂတမ်းဖြစ်လာပြီး သတိလစ်သွား၍ ဆေးရုံ (၄-၅)ရက် အရေးပေါ် တက်ရောက်ကုသရပြန်သည်။
အသက်ကယ်ဆေးမျိုးစုံဖြင့် ပေးကုသော်လည်း အခြေအနေမထူး၍ (၂၈.၉.၂၀၁၉)နေ့ ဇာတိရွာသို့ ပြန်ခေါ်လာခဲ့ကြသည်။
လူနာမှာ မေ့မျောနေဆဲ။ သတိမရသေး။
သို့ဖြစ်၍
ပုဂ္ဂလပညတ်အလိုအရ လှုပ်ရှားမှု လေးဓာတ်ကို အားပေးသော သံပုရာရည်နှင့် ဆားဖျော်၍ ပါးစပ်မှ
အစက်ချပေး၊ လျှာပွတ်ပေးသည်။ တရားခွေလည်းဖွင့်၊ နံ့သာဖြူ၊ ကရမက် များလည်း တစ်ကိုယ်လုံး
လိမ်းစေသည်။ အင်္ဂဝိဇ္ဇာအလို ဇီဇဝါပန်းများခင်း၍ လေဓာတ်ကို ဆွပေးသည်။ ရွာရောက်ပြီး
(၃)ရက်ခန့်အကြာ အောက်တိုဘာ(၁)ရက်နေ့မှစ၍ တဖြည်းဖြည်း သတိရလာပြီး ပြန်ကောင်းလာခဲ့သည်။
သာဝတ္ထိဆန်းဗေဒင်ပညာ၊ ပုဂ္ဂလပညတ်၊ အင်္ဂဝိဇ္ဇာ၊ အဌမုခ နည်းမျိုးစုံဖြင့် အကောင်းဆုံးဆေးချက်အဖြစ်
ညှိနှိုင်းပေးကုခဲ့သည်။
လူနာ၏ကံကြမ္မာမှာ
(၄၃)နှစ်အတွင်း တလျှောက်လုံး အလွန်ညံ့နေမည်ဖြစ်၍ -
(၁)
ဗုဒ္ဓဟူးနံ ဝါးတစ်လုံးကို (၄)တောင်ဖြတ်၊ ထမီအင်္ကျီပတ်၍ ဆံပင်၊ ခြေသဲ၊ လက်သဲ အစုံထည့်၍
ကိုယ်စားစွန့်စေခြင်း၊
(၂)
ငါး(၃)ကောင် ဘေးမဲ့လွှတ်ခြင်း - စသော အရေးကြီးယတြာများကို ထပ်မံ ပြုလုပ်စေသည်။ လူနာ၏
အခြေအနေမှာ တဖြည်းဖြည်း အစားပါဝင်၍ လူတွဲလမ်းလျှောက်နိုင်လာပြီး အောက်တိုဘာလကုန်ပိုင်းတွင်
အခြားအိမ်များသို့ပင် တောင်ဝှေးဖြင့် သွားလာနိုင်၍ အားလုံးက ဝမ်းသာအံ့အားသင့်ကြသည်။
သတိလစ်ပြီးကတည်းက အနောက်တိုင်းဆေးများ မကျွေးဘဲ ရပ်ထားခဲ့ကြသည်။
၄။ ဝိပါက်ကြမ္မာ မရှောင်သာ၊ ဝမ်းသာ၍မှ မဆုံးသေးပါ
ဆေးရုံမှ သတိမရ၍ ပြန်ခေါ်လာခဲ့ရသည့် အသည်းကင်ဆာလူနာ၊ ဓာတ်စာယတြာများဖြင့်
သက်သာလာပြီး အားလုံးမှလည်း ဝမ်းသာနေကြသည်။ သာဝတ္တိဆန်းအလို အညံ့ကိုလည်း ချေပြီးပြီ၊
ပုဂ္ဂလပညတ်ဓာတ်ပညာကို အဌမုခဓာတ်ပညာအယူအဆ၊ မင်းရာပြည့်(ချောက်)၏ ဆေးဝါးမပါ၊ အစာဖြင့်ကုနည်း၊
အင်္ဂဝိဇ္ဇာဆေးချက်အယူအဆများနှင့်ပါတွဲ၍ ရုပ်ဆေး၊ နာမ်ဆေးများ ဓာတ်ဆင် ပေးကုပါသည်။
မယ်ဇလီပြုတ်ရေချိုး၍ မန်ကျည်းဖျော်ရည်၊ ထန်းလျက်၊ ဆားတို့ဖြင့် ပုံမှန် သောက်စေသည်။
မိုးကုတ်ဆရာတော် ဦးဝိမလ၏ တရားခွေဖွင့်၍ နာစေသည်။ အဌမုခဓာတ်ပညာ အလို ဒသာရက်များပိုင်းခြား၍
(၁၅)ရက်တစ်ကြိမ်၊ ဓာတ်စာဆေးချက်များပြောင်း၍ ကုပေးခဲ့သည်။ သတိမရ၍ ပြန်ခေါ်လာရသည့် အခြေအနေမှ
အားလုံးဝမ်းသာအံ့ဩလောက်အောင် လမ်းတွေ လျှောက်၊ အစားတွေစားလာပြီ။
သို့သော် ဝဋ်နှင့်ကြမ္မာ မရှောင်သာ၊ ကြံဖန်၍ ကံဆိုးပြန်ပါသည်။
လူနာ၏အမည်နှင့် ထိုးသော ထီ(၁၀)စောင်တွဲမှ နိုဝင်ဘာလဆန်းတွင် တစ်သိန်းဆု တွတ်ဝင်၍ (၁၀)သိန်းပေါက်ကြောင်း၊
(၆.၁၁.၂၀၁၉) ဗုဒ္ဓဟူးနေ့မှာ ငွေထုတ်၍ နောက်နေ့(၇.၁၁.၂၀၁၉) ရွာမှာ ကျင်းပသော စုပေါင်း
ဘုံကထိန်မှာ လှူမည်။ သို့ဖြစ်၍ လူမမာ ပိုမို အားပြည့်ကျန်းမာအောင် လူနာရှင်များမှ ဆရာဝန်ပင့်၍
မိုရီယာမင် Moriamin Drip တစ်လုံးသွင်းကြသည်။ မျှော်လင့်ထားသလို အားပြည့်မလာဘဲ ထိုင်းမှိုင်းလာ၍
သတိလစ်ချင်သလို ဖြစ်လာသည်။ နောက်နေ့ (၇.၁၁.၂၀၁၉) ကထိန်ပွဲ မသွားနိုင်ဘဲ အိမ်မှာပင်
ဘုန်းကြီးပင့်၍ ကထိန်အလှူငွေကို အကျဉ်းချုံး ရေစက်ချလိုက်ရသည်။ ရေစက်ချပြီး မကြာမီ
လူနာမှာလည်း သတိလစ်သွားပါတော့သည်။ နည်းမျိုးစုံဖြင့် ပြုလုပ်ကုသသော်လည်း လုံးဝ ပြန်၍
သတိမရတော့ပါ။ ထီပေါက်သောနေ့မှ (၇)ရက်အကြာ (၁၃.၁၁.၂၀၁၉)နေ့ သူမ၏ (၄၃)နှစ်၊ (၁)လ၊ (၁၀)ရက်
ဗုဒ္ဓဟူးနေ့မှာပင် ကွယ်လွန်ခဲ့ပါသည်။ “ကံကောင်းတာလား၊ ကံဆိုးတာလား” ဝမ်းနည်းရမှာလား၊
ဝမ်းသာရမှာလား ဝေခွဲမရ၊ ဆွေမျိုးအားလုံး တသသ၊ ယူကြုံးမရ၊ ကြေကွဲခဲ့ကြရ ပါသည်။ ကောင်းမှုကုသိုလ်ပြု၍
အေးချမ်းစွာ တစ်ဘဝ တစ်ခန္ဓာ ချုပ်ငြိမ်းသွားပြီမို့ ကောင်းရာ သုဂတိ ရောက်ပါစေဟု ဆုတောင်းရုံမှအပ
ဒီဘဝဒီမျှနှင့် ပြီးဆုံးခဲ့ပါပြီ။
၅။
ကံကောင်းလာလို့ ကုသိုလ်လုပ်၊ အဘယ်ဝိပါက်က ဝင်လို့ရှုပ်
စွန်းလွန်းဆရာတော် ဦးကဝိလောင်းလျာ ဦးကျော်ဒင်သည် ရဟန္တာဖြစ်မည့်နှစ်မှာ
နှမ်းများ နှစ်တိုင်းနှင့်မတူ ထူးခြားစွာဖြစ်ထွန်း၍ မှန်းချက်နှင့် နှမ်းထွက် ကိုက်ခဲ့သည်။
လူတစ်ဦး စီးပွားတွေ ထူးထူးခြားခြားဖြစ်ထွန်းလာလျှင် သေတတ်သည်ဟု ကြားဖူးသဖြင့် ဦးကျော်ဒင်
သေမှာ အလွန် ကြောက်ရွံ့နေသည်။ သို့ဖြစ်၍ အိမ်မှာ တရားပွဲတွေ ကျင်းပ၍ တရားနာကုသိုလ်ယူသည်၊
တရားကျင့် ခဲ့သည်။ လေးလအကြာ ရဟန္တာဖြစ်ခဲ့သည်။ ပစ္ဆိမဘဝိကသားမို့ ဘဝမှ ကျွတ်လွတ်ခဲ့သည်။
ဖော်ပြပါ
အသည်းကင်ဆာလူနာသည်လည်း ကံကောင်းလာ၍ ထီတွေပေါက်၊ သေမှာ ကြောက်လို့ ကုသိုလ်လုပ်၊ အဘယ်ဝိပါက်ဝင်လို့
ရှုပ်သည်မသိ၊ တနည်းနည်းဖြင့် တစ်ဘဝ၊ တစ်ခန္ဓာ တော့ ကျွတ်သွားခဲ့ပါသည်။ လူနာ၏ကံ၊ ဗုဒ္ဓဟူးနံအညံ့နှင့်
ကြာသပတေးအခိုက်ကို ဓာတ်စာ၊ ယတြာ နည်းမျိုးစုံတို့ဖြင့် ချေခဲ့ပါသည်။ ကံကောင်းထောက်မ၍
ပြန်ကျန်းမာလာ၊ ဝမ်းသာ၍မှ မဆုံးမီ - ပြန်လည်၍ မျောသွား၊ ကြိုးစား၍ ကုသသော်လည်း မရတော့ပြီ၊
အဘယ်ဝိပါတ်ကြမ္မာ ဖန်ခဲ့သနည်း။
(၁)
လူနာ၏အသက် (၄၂)(၄၃)တို့မှာ ထိုလူနာ၏ ဂြိုဟ်စားသက်ရောက်ဂြိုဟ်သည် မဟာဘုတ်ကိန်း အလိုအရ
မရဏဟူသော အနိဌခွင်မှာ ရောက်နေသည်။
(၂)
လူနာ၏နေ့နံ ဗုဒ္ဓဟူးသည် ထိုအသက်ပိုင်းမှာ အနိဌတိုင်ခြေမှာ ရှိနေသည်။
(၃)
ထိုအနိဌတိုင်ခြေမှာ ရှိနေသော လူနာ၏နံ ဗုဒ္ဓဟူးကို မဟာဘုတ်တို့၏ မရဏခွင် ကိစ္ဆတွင်ရှိသော
ကြာသပတေးဂြိုဟ်က လာ၍ကပ်သည်။
(၄)
ထိုဗုဒ္ဓဟူးဂြိုဟ်ကို အပါဒါနကာရဖြစ်သော တနင်္ဂနွေဇေယျလာ၍ကပ်သဖြင့် အောင်မြင်စွာ စွန့်ခွာ၊
ဖဲခွာရမည့်ကိန်း
(၅)
(၄-၁)ဝေဦးဟူသော ပဋိပက္ခဓာတ်မိတ်တုဖြစ်၍ ပဋိပက္ခအသွင်ဆောင်ပြီး ဝမ်းသာစရာမှ ဝမ်းနည်းစရာ
ကြုံကြရသည်။
အထက်ပါ အပြစ်ပုဒ်မများ ကြေအေးပါစေရန်
ဓာတ်ယတြာနည်းမျိုးစုံဖြင့် လျှောက်လဲ၍ အပြစ်ဒဏ် မှ သက်သာ၍ လွတ်တော့မည့်အရေး ထပ်တိုးဉပဒေပုဒ်မများဖြင့်
ထပ်၍ စွဲဆိုလာပါသည်။
(၆)
မင်းရာပြည့်(ချောက်)၏ ဆေးဝါးမပါ အစာဖြင့်ကုနည်း အင်္ဂဝိဇ္ဇာတိုင်အရ “ရောက်သက်ကို တည်ပြန်၊
မသွေမှန် နံဂြိုဟ်ဇီဝနှော၊ စားသတ္တအကြွင်းကျန်၊ ခယားပြန်တိုင်ထူ၍ဟော၊ ငုတ်စာ စား၍ ရောဂါပေါ၊
ဆောင်ပန်းစာနှင့် ဖြေကြလော့”ဟူသော လင်္ကာအရ (လူနာ၏အသက် ၄၃ ÷ ရာဟုဂြိုဟ်သက်
၁၂ = ၅၅ ÷ ၇)
(၆ကြွင်း) တိုင်ထူသော် -
|
၃ |
ခိုက် |
||
|
၀ |
ထိုအသက်အပိုင်းအခြားမှာ ငုတ်စာဖြစ်သော ကြာသပတေးနံ မိုရီယာမင်
သွင်းလိုက်သည်ကပင် ငုတ်စာဖြစ်၍ မူလရောဂါ ငုတ်သည်ထက်ငုတ်၍ ရောဂါတာရှည်မည်။ သေသော်လည်း
သေတတ်သည်။ |
||
|
၄ |
|
||
|
၆ |
ဆောင် |
||
|
၂ |
|
||
|
၅ |
ငုတ် (မိုရီယာမင်) |
||
|
၁ |
ပျက် |
(၇)
အဌမုခဓာတ်ပညာအလို “မွေးဂြိုဟ်တစ်ခွင် နောက်ကိုဆုတ် ဒသာရက်ကို အစဉ်တိုင်းနှုတ်” ဟူသော
ဒသာတွက်မှုအရ မွေးဂြိုဟ်ရာဟုခွင်၏ နောက်တစ်ခွင်ဆုတ်သော် ကြာသပတေး ဂြိုဟ်ခွင်ကိုပင်
ကိန်းဆိုက်နေပြန်သည်။ ကြာသပတေးသည် ထိုအသက်မှာ အခိုက်ဂြိုဟ်၊ လူနာရှင်သည် မွေးရက်မှ
(၃၃)ရက် လွန်ခဲ့ပြီဖြစ်၍ ကြာသပတေး ဒသာ(၆၁)ရက်အတွင်းက မလွတ်သေးပေ။ ကြာသပတေး ဒသာဂြိုဟ်
အဆိုးအခိုက် ကြုံနေဆဲဖြစ်ခြင်း
(၈)
“ဒသာဂြိုဟ်သက်၊ သူ့အသက်၊ ပေါင်းလျက် (၇)နှင့်စား” အဆိုအရ (လူနာအသက် ၄၃ ÷ ဒသာဂြိုဟ်
ကြာသပတေး အသက် ၁၉ = ၆၂ ÷ ၇ (၆)ကြွင်း။ အထက်ပါကဲ့သို့
ဆပွတ်တိုင် ထူသော် ကြာသပတေးသည် အငုတ်ပင် ကြုံပြန်သည်။ သို့ဖြစ်ပါ၍ ဤနည်းဖြင့် တွက်လည်း
မိုရီယာမင် ခိုက်ပြန်သည်။
(၉)
အဌမုခဓာတ်ပညာနည်းအရ လူနာအသက် ၄၃ ÷ ၈ = ၃ ကြွင်း တနင်္လာခွင်မှစ၍
လက်ဝဲရစ် ရေသော် သောကြာဂြိုဟ်မှာ စန်းသုဉ်းစန်းငုတ်၊ ဓာတ်ငုတ်သင်္ဂြိုင်း ကျရောက်သည်။
ထိုသောကြာခွင်သို့ ကျရောက်သော လူနာသည် “သောင်တွင်တင်ကြောင်း” ဟူသော “သောကြာနံ၊ စနေနံ၊
တနင်္လာနံ”တို့နှင့် ရန်ကျသဖြင့် ထိုသက်တန်းမှာ ထိုနံများ မဝင်ရ၊ ဝင်ခဲ့သော် ကျန်းမာရေး၊
အိမ်တွင်းရေး၊ စီးပွားရေး တစ်ခုခု ဒုက္ခကြုံမည်။ ယခုလူနာသည် (၄၃)နှစ်ထဲ (၃၃)ရက် ရောက်ခဲ့ပြီး
ကြာသပတေး ဒသာဂြိုဟ်မှာပင် ရှိနေသည်။ ထိုဂြိုဟ်သည် ခိုက်သောဂြိုဟ် ဖြစ်နေသည့်အပြင်
(သောင်တွင်)ဟူသော (သိန်းထီ)၊ (တင်ကြောင်း)ဟူသော (ကထိန်)ရန်များ အတွဲလိုက်၊ အပြွတ်လိုက်၊
အစုလိုက်၊ အပြုံလိုက် ဝင်လာချေပြီ။ အားပြတ်နေသည့် နလံထလူမမာ - ဂျပန်နားပန်းသမား ဝင်လုံးသည့်ပမာ
- အခိုက်ရန်ကို မည်သို့မျှ မတွန်းလှန်နိုင်တော့ပေ။ ဝိပါက်ကြမ္မာ မရှောင်သာ မိုရီယာမင်လည်း
ဆေးမဖြစ်ဘဲ၊ ဘေးဖြစ်ခဲ့ရလေပြီ။
၆။
မနေရ၍ သေရလျှင်ပင်၊ ပြုံးပြုံးကလေးနဲ့ သေစေချင်
အထက်မှာ
တင်ပြခဲ့သည့်အတိုင်း အသည်းကင်ဆာဝေဒနာကို ဓာတ်ယတြာပညာ အမျိုးမျိုး ဖြင့် ကုပေးသော်လည်း
(၆)လခန့်ကြာတော့ သေတာပါပဲ၊ ဘယ်မှာရှင်လို့လဲ - မေးစရာ၊ ဆင်ခြေ တက်စရာပါ။ ဒါကမ္ဘာနာ၊
အရှေ့တိုင်း မြန်မာ့ဆေး မပြောနဲ့ ခေတ်မှီတဲ့ အနောက်တိုင်းကလဲ တာဝန် မယူပါ။ သို့ဖြစ်ပါ၍
မြန်မာ့ဓာတ်ယတြာဖြင့် မရှင်တာ အဆန်းတော့ မဟုတ်ပါ။ သတ္တဝါဆိုတာ မွေးကတည်းက သေဖို့ရှင်နေတဲ့အမျိုး၊
အခုမသေလဲ နောက်သေမှာ။ သို့သော် လူတိုင်း သေမှာကြောက်။ နေရသလောက်တော့ အသက်ရှင်ချင်ကြသည်။
မနေရ၍ သေရလျှင်လည်း ဝေဒနာ မခံစားလို။ ပြုံးပြုံးကလေးတော့ သေလိုကြသည်။
ဤဆောင်းပါး၏
အဓိက ဆိုလိုချက်မှာ -
(၁)
ရောဂါဝေဒနာကြီး၍ နာတာရှည်ရောဂါဖြစ်ပါက သေမှာကြောက်လို့ နည်းမျိုးစုံနှင့်ကု၊ ဆေးက မတွေ့နိုင်၊
ငွေကုန်လည်း မသက်သာ၊ လူနာလည်း မချမ်းသာ၊ စိတ်ဝေဒနာပါ ခံစားနေရသော၊ လူနာများအတွက် ဆောက်တည်မျှော်လင့်အားကိုးရာ၊
ကျန်ရစ်သူမိသားစုအတွက်လည်း ငွေကုန်သက်သာ စီးပွားမပျက်စေရန် -
(၂)
ကင်ဆာကဲ့သို့ ကမ္ဘာနာမဟုတ်သော နာတာရှည်ဝေဒနာများသည် တစ်ချို့မှာ ကံဇာတာနိမ့်၊ ဂြိုဟ်စီးဂြိုဟ်နင်း
မကောင်း၍ ဆရာမတွေ့ ဆေးမတွေ့သော မသေနိုင်သေးသော ဝေဒနာများ အတွက် ဓာတ်ယတြာတို့ဖြင့် ကံမြှင့်ကံဆင့်၍
ရောဂါကို ကုစားနိုင်ရန် အလှည့်အပြောင်း၊ ကုထုံး၊ တွဲဖက်ကုထုံးများ မြန်မာ့ဆေးပညာမှာ
ရှိပါကြောင်း သိစေရန်
(၃)
လူသားတို့၏ ကျန်းမာရေးကို ကံ၊ စိတ်၊ ဉတု၊ အာဟာရတည်းဟူသော အကြောင်းတရားလေးပါး မှ ကံကြောင့်ဖြစ်သော
ဝေဒနာများကို ဗုဒ္ဓယတြာ၊ လောကီယတြာ နည်းမျိုးစုံဖြင့် တွဲဖက် ကုသပေးနိုင်ကြရန်
(၄)
ဖော်ပြပါလူနာ၏ ကံဇာတာအရ ဂြိုဟ်စားသက်ရောက်ကံညံ့ချိန်မှာ ဒီရောဂါဖြစ်၍၊ ထီပေါက်၍၊ ကထိန်ခင်း၊
မိုရီယာမင်သွင်းသည်ပင်လျှင် အနိဌဖြစ်လာရသည့်အကြောင်း၊ ဝဋ်နာမှာ ရှောင်မရ၊ ထီပေါက်၍
ကံကောင်းသည်ကပင်လျှင် ရောဂါကို ပိုဆိုးစေရန် အကြောင်းဖန်လာရ ပါကြောင်း ရန်ဓာတ်များကို
သတိပြုနိုင်စေရန်
(၅)
ကျန်းမာရေး၊ စီးပွားရေး၊ အိမ်ထောင်ရေး စသော ဘဝဆိုင်ရာ ပြဿနာများအားလုံး အကောင်း၊ အဆိုး၊
အလှည့်အပြောင်းဟူသော လောကဓံတရားမှ ရှောင်ရှား၍မရ၊ အမြဲကြုံနေရမည် ဖြစ်သော်လည်း အချို့သော
ကံကြမ္မာများကိုမူ ဗုဒ္ဓယတြာ၊ လောကီယတြာများဖြင့် ကုစား၍ ရနိုင်ကြောင်း သိစေရန်
(၆)
မနေရ၍ သေရလျှင်ပင် မျှော်လင့်ချက်လေးဖြင့် အသက်ရှင်စေပြီး ပြုံးပြုံးကလေး သေစေချင်
ကြမည်မှာ လူနာရှင်တိုင်း၏ဆန္ဒ၊ နည်းလမ်းမျိုးစုံဖြင့် ကယ်မနိုင်ကြရန် -
အထက်မှာဖော်ပြခဲ့သော
အသဲကင်ဆာလူနာ ဒေါ်ရီရီလွင်မှာ ဆေးရုံမှာ (၄-၅)ရက် သတိလစ်နေပြီး အခြေအနေမကောင်း၍ ရွာပြန်ခေါ်ခဲ့ရာ
ရွာမှာ (၃)ရက်ခန့်အကြာ သတိပြန်ရ၊ တလမျှ ပြန်၍ကောင်း၊ အားလုံးက ဝမ်းပန်းတသာ၊ သေရွာကလွတ်ပဟဲ့လို့
ထင်ခဲ့ကြ။ ဝိပါတ်ကြမ္မာ ကြုံဖန်လာတော့ ထီပေါက်၍ ကထိန်ခင်း၊ အားရှိဖို့ မိုရီယာမင်သွင်းသည်ကပင်
အခိုက်ရန်ကိန်းနဲ့ တည့်တည့်တိုး၊ ကိုယ်ကျိုးကြီး နည်းခဲ့ရသည့် ဇာတ်လမ်း၊ အခြေမလှသည့်လူနာ
တလခွဲကြာမျှ နေသွားရလျှင် တော်သေးလို့ပင် ဖြေသိမ့်ရတော့မည်။ မနေရ၍ သေရသည်ပင် ညင်ညင်သာသာ
အသက်ထွက်သည်အထိ မြန်မာ့ဓာတ်ယတြာဖြင့် ကူညီဖေးမ ကုခဲ့ရသည့် ဇာတ်လမ်း၊ မှတ်တမ်းတင် အပ်ပါသည်။
၇။
နိဂုံး
အထက်မှာတင်ပြခဲ့သော အသည်းကင်ဆာဝေဒနာရှင်ကို
မြန်မာ့တိုင်းရင်းဆေးပညာများ အနက်မှ နက္ခတ္တနယမှာ ပါဝင်သော
-
(၁)
ပုဂ္ဂလပညတ်ဓါတ်ပညာ
(၂)
အဠာမုခဓါတ်ပညာ၊
(၃)
အင်္ဂဝိဇ္ဇာပညာ
(၄) သာဝတ္ထိဆန်းဗေဒင်ပညာ
- များကို အသုံးပြု၍ လူနာနှင့် ၎င်း၏မိသားစု ကိုယ်ကျန်းမာရေး၊ စိတ်ချမ်းသာရေး၊ ငွေကြေးကုန်ကျမှုသက်သာရေး
စသော လူမှုရေးကိစ္စအဝဝကို မြန်မာ့ရိုးရာ ဆေးပညာဖြင့် ကူညီပေးနိုင်ရုံသာမက - လူနာ၏ ကံကြမ္မာကိုလည်း
ဗေဒတ္ထနည်းပညာဖြင့် ကြိုတင် တွက်ဆ၊ ယတြာနည်းမျိုးစုံဖြင့် ကာကွယ်၍ ဖေးမနိုင်ကြသလို
ဝိပါက်ကြမ္မာ ကြုံလာပါက ရှောင်မရသည့် သင်ခန်းစာများ မှတ်သား၍ အဖိုးတန်မြန်မာ့ဆေးပညာများ
ပြန်လည်ဖော်ထုတ်ရေး ဝိုင်းဝန်းအားပေးစုစည်းဖော်ထုတ်ကြပါရန် အလေးထား တိုက်တွန်းအပ်ပါကြောင်း
-
သင်ဆရာ၊ မြင်ဆရာ၊ ကြားဆရာများသို့ ထာဝရဦးခိုက်လျှက် -
ဒေါက်တာနွယ့်ဝင်း
ဉက္ကဌ
မြန်မာ့တိုင်းရင်းဆေးပညာရပ်ဆိုင်ရာအဖွဲ့
ဗဟိုတိုင်းရင်းဆေးဆရာအသင်း အမှုဆောင်ကော်မတီ
၅.၆.၂၀၂၀
၁၃၈၂ ခု၊ နယုန်လပြည့်ကျော် (၁၀)ရက်
